ବାପା ଝିଅଙ୍କ ପାଇଁ ଦେବଦୂତ ସାଜିଲେ ଏସ୍‌ପି

0 766

ସଡକ ଦୁର୍ଘଟଣାରେ ଗୁରୁତର ଆହତ ହୋଇ ଯନ୍ତ୍ରଣାରେ ଛଟପଟ ହେଉଥିବା ବାପଝିଅଙ୍କ ପାଇଁ ଦେବଦୂତ ସାଜିଲେ ବାଲେଶ୍ୱର ଜିଲ୍ଲା ଆରକ୍ଷୀ ଅଧିକ୍ଷକ (ଏସ.ପି.) ବି.ଯୁଗଳକିଶୋର । ଆହତଙ୍କୁ ସେ ନିଜ ଗାଡିରେ ଠିକ୍‍ ସମୟରେ ମେଡିକାଲ ପହଞ୍ଚାଇ ସେମାନଙ୍କ ଜୀବନ ବଞ୍ଚାଇଛନ୍ତି ।
ସୂଚନାନୁସାରେ ବାଲେଶ୍ୱର ଜିଲ୍ଲା ସୋର ଥାନା ତୁଡିଗଡିଆ ଅଚ୍ୟୁତପୁର ଗ୍ରାମର କୈଳାସଚନ୍ଦ୍ର ସାହୁ ଆଜି ତାଙ୍କ ଝିଅକୁ କଲେଜରେ ନାମଲେଖାଇବାକୁ ଯାଉଥିଲେ । ଏହି ସମୟରେ ବେଗୁନିଆ ଜାତୀୟ ରାଜପଥ ଠାରେ ଏକ
ଅଜଣା ଗାଡି ବାପଝିଅଙ୍କୁ ଧକ୍କା ଦେଇଥିଲା । ଫଳରେ ରକ୍ତାକ୍ତ ଅବସ୍ଥାରେ ସେମାନେ ରାସ୍ତାରେ ପଡି ରହିଥିଲେ । ଏହି ସମୟରେ ଜନଶୁଣାଣି ଶିବିରରେ ଯୋଗଦେବାକୁ ଯାଉଥିବା ବାଲେଶ୍ୱର ଏସ.ପି. ଦୁହିଁଙ୍କୁ ଛଟପଟ ହେଉଥିବା ଅବସ୍ଥାରେ ଦେଖି ସାଙ୍ଗେ ସାଙ୍ଗେ ନିଜ ଗାଡିରେ ସୋର ମେଡିକାଲକୁ ନେଇଯାଇଥିଲେ । ଚିକିତ୍ସା ପରେ ବାପଝିଅ ସୁସ୍ଥ ଥିବା ଜଣାପଡିଛି ।

Leave A Reply

Your email address will not be published.