ଭାରତର ନବଜନ୍ମ : ୧୫ ଅଗଷ୍ଟ

0 3,617

ଭାରତୀୟ ଇତିହାସରେ ୧୫ ଅଗଷ୍ଟର ଅନେକ ମହତ୍ତ୍ୱ ରହିଛି। ଦୀର୍ଘ ଦିନ ଧରି ଇଂରେଜ ଅତ୍ୟାଚାରରେ ନିଷ୍ପେସିତ ଥିବା ଆମ ଦେଶ ୧୯୪୭ ମସିହାର ଏହି ଦିନରେ ସ୍ୱାଧୀନ ହୋଇ ବିଜୟର ଧ୍ୱଜା ଉଡ଼ାଇଥିଲା। ସେହି ଦିନ ଠାରୁ ଆଜି ପର୍ଯ୍ୟନ୍ତ ୧୫ ଅଗଷ୍ଟକୁ ଦେଶର ସ୍ୱାଧୀନତା ଦିବସ ଭାବେ ପାଳନ କରାଯାଉଛି। ଏହି ସ୍ୱାଧୀନତା ପାଇବା ପାଇଁ ଦେଶବାସୀଙ୍କୁ କେତେ ଯେ ମୂଲ୍ୟ ଦେବାକୁ ପଡ଼ିଥିଲା ସେ କଥା ଭାବିଲେ ଆଜିବି ଦେହ ଶୀତେଇ ଉଠେ। କେଉଁଠି ମାଆର ଶବ ପାଖେ ବସି ତା’ର ଶିଶୁ ଲୁହ ଝରାଉଥିଲା ତ କେଉଁଠି ପୁଅକୁ ହରାଇ ବୁଢି ମାଆ ମାନସିକ ଭାରସାମ୍ୟ ହରାଇ ଦେଉଥିଲା। ପୁଣି କେଉଁଠି ନବବିବାହିତା ର ସିନ୍ଦୁର ଲିଭି ଯାଉଥିଲା ତ କେଉଁଠି ବାପା ଘରୁ ବାହାରିବା ପରେ ଫେରି ଥିଲା ତାଙ୍କ ଶବ। ଚତୁର୍ଦିିଗରେ ଚିତ୍କାର ଓ କ୍ରନ୍ଦନର ସ୍ୱର। ସେହି ଚିତ୍କାର ଶୁଣି ଇଂରେଜ ହୃଦୟକୁ ମିଳୁଥିଲା ଅଦ୍ଭୁତ ଶାନ୍ତି। ସମ୍ପୂର୍ଣ୍ଣ ଦେଶକୁ ନିଜ ଦାସ କରି ରଖିଥିଲେ ଇଂରେଜ। ସମସ୍ତ ଦେଶବାସୀ ଆତୁର ହୋଇ ଅପେକ୍ଷା କରିଥିଲେ ଏହି ଦିନକୁ। ସେଦିନ ସୂର୍ଯ୍ୟ ଅବା ଉଦୟ ହୋଇଥିଲେ ଏକ ନୂତନ ଆଶାର ଆଲୋକ ନେଇ। ସେଦିନ ହୋଇଥିଲା ହିଂସା ଉପରେ ଅହିଂସାର ବିଜୟ, ଅନ୍ୟାୟ ଉପରେ ନ୍ୟାୟର ବିଜୟ, ମିଥ୍ୟା ଉପରେ ସତ୍ୟର ବିଜୟ।

Leave A Reply

Your email address will not be published.