ଫାଶୀ ପରେ ନିର୍ଭୟା ଦୋଷୀଙ୍କୁ ମୃତ ଘୋଷଣା – ଆଶା ଦେବୀ କହିଲେ ନ୍ୟାୟ ମିଳିଲା

0 1,045

ନୂଆଦିଲ୍ଲୀ ୨୦.୦୩ – ଦୀର୍ଘ ୭ ବର୍ଷର ନ୍ୟାୟିକ ଯୁଦ୍ଧ ପରେ ଶେଷରେ ଫାଶୀ ଖୁଣ୍ଟରେ ଝୁଲିଛନ୍ତି ନିର୍ଭୟା ଦୋଷୀ । ୨୦ ମାର୍ଚ୍ଚ ସକାଳ ୫ଟା ୩୦ରେ ଏମାନଙ୍କୁ ତିହାର ଜେଲ୍‌ରେ ଥିବା ଫାଶୀ ଖୁଣ୍ଟରେ ଝୁଲାଇ ଦିଆଯାଇଛି । ଶେଷରେ ନିର୍ଭୟାଙ୍କୁ ନ୍ୟାୟ ମିଳିଛି ।

୪ ଜଣ ଦୋଷୀଙ୍କ ଫାଶୀ ଦଣ୍ଡକୁ ରୋକିବା ପାଇଁ ଏହାର ପୂର୍ବରୁ ରାତି ଅଧରେ ହାଇକୋର୍ଟ ଓ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ତାଙ୍କର ଆଇନଜୀବୀ ଏପି ସିଂ । ମାତ୍ର ଅଦାଲତ ତାଙ୍କର ମାମଲାକୁ ଖାରଜ କରିଥିଲେ । ପରେ ସକାଳ ୫ଟା୩୦ରେ ଦୋଷୀମାନଙ୍କୁ ଫାଶୀ ଖୁଣ୍ଟରେ ଝୁଲାଇ ଦିଆଯାଇଥିଲା ।

ଜେଲ୍‌ରେ ସେମାନଙ୍କୁ ମୃତ ଘୋଷଣା ପରେ ଦୀନ୍ ଦୟାଲ ହସ୍‌ପିଟାଲକୁ ଶବ ବ୍ୟବଚ୍ଛେଦ ପାଇଁ ନିଆଯାଇଥିଲା । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ । ପରେ ସେମାନଙ୍କର ଶବକୁ ବ୍ୟବଚ୍ଛେଦ କରାଯିବା ପାଇଁ ପୁଲିସକୁ ହସ୍ତାନ୍ତର କରାଯାଇଛି । ଶବ ବ୍ୟବଚ୍ଛେଦ ପରେ ସେମାନଙ୍କର ମୃତ ଶରୀରକୁ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯିବ ।

ନିର୍ଭୟାର ମାଆ ଫାଶୀ ପରେ ନ୍ୟାୟ ପାଇଥିବା କହିଛନ୍ତି । ତାଙ୍କ ଝିଅ ଦୁନିଆରେ ନାହିଁ କି ଆଉ ଫେରିବନି , ସେ ସମସ୍ତ ଝିଅଙ୍କ ପାଇଁ ନ୍ୟାୟିକ ଲଢେଇ ଜାରି ରଖିବେ ବୋଲି କହିଛନ୍ତି ।

Leave A Reply

Your email address will not be published.